Cichanoŭskaja: Pieramovy pra vyzvaleńnie ludziej iduć ciažka
Lidar demakratyčnych siłaŭ Biełarusi prakamientavała vyzvaleńnie 25 palitviaźniaŭ. U videazvarocie jana adznačyła, što pieramovy pra vyzvaleńnie ludziej iduć ciažka, ale hetuju pracu nielha spyniać.
Džon Koŭł u Minsku, 16 vieraśnia 2026. Fota BiełTA
«Ja vielmi rada za kožnaha i kožnuju, chto siońnia narešcie apynuŭsia na svabodzie. A taksama za ich rodnych i blizkich, jakija čakali hetaha dnia. My taksama bačym, nakolki ciažka iduć pieramovy ab vyzvaleńni ludziej. Kožnaje vyzvaleńnie patrabuje vialikich namahańniaŭ, i vidavočna, što Łukašenka nie choča adpuskać usich palityčnych źniavolenych», — adznačyła Śviatłana Cichanoŭskaja.
Jana vykazała ŭdziačnaść za składanuju pieramoŭnuju pracu amierykanskamu boku.
«Važna, što, niahledziačy na ŭsie ciažkaści, jana prynosić kankretny humanitarny vynik, — ludzi vychodziać na svabodu. Mienavita tamu hetuju pracu nielha spyniać», — padkreśliła palityk.
Čytajcie taksama:
Chto z palitviaźniaŭ vyjšaŭ na svabodu 16 vieraśnia POŬNY ŚPIS
Litoŭskaja dypłamatka Asta Andryjaŭskienie apublikavała bolš FOTA palitviaźniaŭ ź miažy
Abvieščany ekstranny zbor dla novaj partyi vyzvalenych palitviaźniaŭ
Pałovu sumu na ekstranny zbor dla novaj partyi vyzvalenych palitviaźniaŭ sabrali za paŭtary hadziny