U Vilni sustreli vyzvalenych palitviaźniaŭ VIDEA

25 palitviaźniaŭ, vyzvalenych 16 vieraśnia ź biełaruskich turmaŭ i vydvaranych u Litvu, ciopła sustreli biełarusy ź Vilni i nie tolki. 

Fota: BAŽ

Pavieł Biełavus pravioŭ doŭhi čas u SIZA KDB. Jamu dazvolili parazmaŭlać z žonkaj na miažy.

Miedyjamieniedžar Andrej Alaksandraŭ upieršyniu moža svabodna havaryć ź blizkimi. Jon mocna schudnieŭ, ale śviecicca ad ščaścia.

«Usim pryvitańnie!» Andrej Alaksandraŭ i Iryna Złobina z uśmieškaj pryvitali ŭsich, chto sustrakaje palitviaźniaŭ u Vilni.

«Pakinuŭ Radzimie 30 kiło vahi. Nastroj dobry. Vielmi rady, što hetyja amal šeść hadoŭ skončylisia. Vielmi spadziajusia, što hetyja pracesy [vyzvaleńni] buduć praciahvacca», — skazaŭ Andrej Alaksandraŭ.

Były śledčy, ajcišnik Jaŭhien Juškievič nie zmoh strymać śloz. U Vilni hierojaŭ-palitviaźniaŭ sustrakajuć dziasiatki ludziej.

Śviatłana Cichanoŭskaja taksama pryjechała ŭ Vilniu sustrakać palitviaźniaŭ.

Daradca Śviatłany Cichanoŭskaj Dzianis Kučynski prakamientavaŭ siońniašniaje vyzvaleńnie:

«Kožny raz hetyja pieramovy składanyja i niaprostyja. Śpisy kožny raz abmiarkoŭvajucca, i kožny raz moža być inšy vynik. Ale siońnia možna paradavacca za 25 vyzvalenych».

Kamientary da artykuła