Ryžankoŭ pryvitaŭ u Minsku amanskuju pryncesu
Ministr zamiežnych spraŭ Biełarusi Maksim Ryžankoŭ sustreŭsia ŭ Minsku z delehacyjaj Amana, jakuju ŭznačaliła pryncesa Mona bint Fachad Al Said — pamočnica prarektara Univiersiteta imia sułtana Kabusa pa pytańniach mižnarodnaha supracoŭnictva i namieśnica staršyni apiakunskaj rady Nacyjanalnaha muzieja Amana.
Fota: MZS
U sustrečy taksama ŭdzielničaŭ hienieralny sakratar Nacyjanalnaha muzieja Amana Džamal al-Musavi. Amanskaja delehacyja znachodzicca ŭ Biełarusi z metaj pašyreńnia dvuchbakovaha supracoŭnictva ŭ adukacyjnaj i kulturnaj śfierach.
Padčas sustrečy baki vykazali zacikaŭlenaść va ŭmacavańni supracoŭnictva pamiž univiersitetami Biełarusi i Amana. Jany adznačyli značny patencyjał u hetaj śfiery i abmierkavali mahčymaści jaho dalejšaha raźvićcia, u tym liku realizacyju sumiesnych prajektaŭ pamiž vyšejšymi navučalnymi ŭstanovami dźviuch krain.
Taksama storany razhledzieli płan kulturnych mierapryjemstvaŭ na 2026—2027 hady. Abmiarkoŭvałasia mahčymaść praviadzieńnia ŭzajemnych vystaŭ i vystupleńniaŭ tvorčych kalektyvaŭ. Akramia taho, padčas sustrečy zakranuli pytańni palityčnaha ŭzajemadziejańnia Biełarusi i Amana.
14 vieraśnia Mona bint Fachad Al Said atrymała zvańnie hanarovaha prafiesara Biełaruskaha dziaržaŭnaha ŭniviersiteta.
Čytajcie taksama:
Ryžankoŭ raskazaŭ, jak adpačyŭ u Paŭnočnaj Karei