Ludmiła Čekina: Na voli navat nieba inšaje
Vyzvalenaja siońnia palitźniavolenaja, byłaja hienieralnaja dyrektarka «Tut Baj Miedyja» Ludmiła Čekina raskazała pra svaje pieršyja adčuvańni paśla vyzvaleńnia, piša «Viasna».
Ludmiła Čekina. Skrynšot sa strymu «Radyjo Svaboda»
«Ja dahetul nie pavieryła ŭ realnaść taho, što adbyvajecca. Heta nastolki emacyjna zaradžana — navat nieba inšaje. Ja jechała ŭ aŭtobusie i hladzieła na pryhožyja pali — jašče biełaruskija, hladzieła na duby, ptušak i nieba».
Ludmiła adznačyła, što ciapier dla jaje samaje hałoŭnaje — kab jak maha chutčej na volu vyjšli astatnija palitviaźni.
«Heta vielmi ciažka — być u niavoli. Heta jak być pachavanym žyvym. Našy baćki pamirali, a my nie mahli prysutničać na pachavańniach, našy dzieci raśli biez nas. I ciapier tam jość dziaŭčaty, u jakich maleńkija dzieci, u jakich stałyja baćki, jakija patrabujuć dahladu».
Jana taksama padziakavała ludziam, jakija ŭdzielničajuć u pieramovach ab vyzvaleńni palitviaźniaŭ, i vykazała spadziavańnie na praciah hetaha pracesu.
Čytajcie taksama:
U Vilni sustreli vyzvalenych palitviaźniaŭ VIDEA
Chto z palitviaźniaŭ vyjšaŭ na svabodu 16 vieraśnia POŬNY ŚPIS
Cichanoŭskaja: Pieramovy pra vyzvaleńnie ludziej iduć ciažka
Viačorka: Nie taja ličba, jakaja anansavałasia, ale dumaju, što heta jašče nie kaniec