U Ivacevičach kantejnier sarvaŭsia z krana i ŭpaŭ na rabočaha
U Ivacevickim rajonie 10 vieraśnia padčas pahruzačna-razhruzačnych rabot kantejnier dla śmiećcia sarvaŭsia z aŭtakrana i ŭpaŭ na rabočaha. U vyniku 42‑hadovy mužčyna atrymaŭ ciažkija cialesnyja paškodžańni, paviedamlaje Śledčy kamitet.
Pavodle Śledčaha kamiteta, kantejnier padavali z dapamohaj aŭtakrana, ale tros napiaŭsia i razarvaŭsia. U hety momant na dachu budynka znachodziŭsia roznarabočy, na jakoha i ŭpaŭ kantejnier.
Padčas papiaredniaha rasśledavańnia śledčyja znajšli parušeńni z boku dyrektara pryvatnaha ŭnitarnaha pradpryjemstva, jakoje zdaje ŭ arendu śpiectechniku razam z ekipažam.
Pavodle infarmacyi śledstva, kiraŭnik dapuściŭ da pracy na aŭtakranie mašynista, jaki nie mieŭ nieabchodnaha dopusku dla vykanańnia takich rabot.
U dačynieńni da dyrektara pradpryjemstva raspačali kryminalnuju spravu.