Źmieniacca praviły pracy kantraloraŭ u hramadskim transparcie
U Biełarusi źmianiajucca praviły vykarystańnia videarehistrataraŭ supracoŭnikami kantrolna-revizijnych słužbaŭ. Novyja patrabavańni zaćvierdziła Ministerstva transpartu i kamunikacyj. Jany pačnuć dziejničać z 5 kastryčnika 2026 hoda.
Zdymak ilustracyjny. Fota: BiełTA
Pastanovaj Ministerstva transpartu №43 ad 25 žniŭnia 2026 hoda zaćvierdžanaja instrukcyja, jakaja vyznačaje paradak vykarystańnia techničnych srodkaŭ dla videanazirańnia i aŭdyjozapisu kantralorami-revizorami padčas vykanańnia słužbovych abaviazkaŭ.
Adnym z asnoŭnych novych patrabavańniaŭ stanie abaviazkovaje infarmavańnie pasažyraŭ pra toje, što viadziecca videa– i aŭdyjozapis. Akramia taho, padčas pravierki najaŭnaści ŭ pasažyraŭ prajaznych dakumientaŭ abo biletaŭ kantralory pavinny buduć vieści bieśpierapynny zapis.
Asobna ŭ instrukcyi prapisanyja patrabavańni da abarony piersanalnych źviestak pasažyraŭ, a taksama paradak zachoŭvańnia i dostupu da atrymanaj infarmacyi. Dostup da videa– i aŭdyjozapisaŭ pravierak kvitkoŭ budzie mieć abmiežavanaje koła supracoŭnikaŭ.
Taksama ŭstanoŭlenyja terminy zachoŭvańnia i vykarystańnia zapisaŭ, zroblenych z dapamohaj videarehistrataraŭ.
Čytajcie taksama:
U Minharvykankamie raskazali, kolki datacyj vydzialajuć na hramadski transpart
U Minsku adnavili ŭstanoŭku elektronnych tabło z raskładam na prypynkach, ale z ahavorkami