Azonavaja dzirka nad Antarktykaj stała adnoj z najmienšych za apošnija dziesiacihodździ
Azonavaja dzirka nad Antarktykaj u 2025 hodzie była adnoj z najmienšych za apošnija niekalki dziesiacihodździaŭ. Pra heta havorycca ŭ dakładzie Suśvietnaj mietearałahičnaj arhanizacyi, jakaja ŭvachodzić u sistemu AAN.
Fota ilustracyjnaje
Płošča i hłybinia azonavaj dzirki byli značna mienšymi za siarednija pakazčyki za 1990—2010 hady. Pavodle Suśvietnaj mietearałahičnaj asacyjacyi, u 2025 hodzie jana stała čaćviortaj abo piataj pa pamiery z 1992 hoda — pieryjadu, kali było zafiksavana značnaje razbureńnie azonavaha słoja.
Najbolšaj azonavaja dzirka była ŭ kancy vieraśnia 2025 hoda. Adnak jaje płošča składała prykładna čverć ad siaredniaha pakazčyka za 1990—2010 hady. Padobnaja situacyja nazirałasia i ŭ 2024 hodzie.
U VMA adznačyli, što nievialikija pamiery azonavaj dzirki ŭ apošnija dva hady rezka adroźnivajucca ad situacyi ŭ 2020—2023 hadach, kali jana była vyklučna vialikaj.
Śpiecyjalisty ličać, što takija vahańni, vierahodna, źviazanyja z naturalnymi klimatyčnymi pracesami. Pry hetym doŭhaterminovaja tendencyja da adnaŭleńnia azonavaha słoja zachoŭvajecca.
Hienieralnaja sakratarka VMA Sielesta Saułu nazvała heta pośpiecham u spravie achovy navakolnaha asiarodździa. Pavodle jaje słoŭ, z 2000 hoda azonavy słoj adnaŭlajecca, i možna čakać jaho poŭnaha adnaŭleńnia na praciahu niekalkich nastupnych dziesiacihodździaŭ.
Čytajcie taksama:
Navukoŭcy: azonavy słoj pačaŭ razburacca jašče da epochi freonaŭ
Ziamnoje jadro, mahčyma, źmianiła kirunak ruchu. Jak heta paŭpłyvaje na našu płanietu?
AAN: Azonavy słoj Ziamli budzie adnoŭleny ŭ nastupnyja dziesiacihodździ
Azonavy słoj znoŭ pačaŭ adnaŭlacca paśla taho, jak ekołahi ŭziali Kitaj za žabry