Ukrainskija drony atakavali vajskovy aeradrom u Rastovie-na-Donie i NPZ u Jarasłaŭli
U noč na 17 vieraśnia bieśpiłotniki atakavali niekatoryja rehijony Rasii.
Pavodle danych manitorynhavych kanałaŭ, u noč na 17 vieraśnia ŭ Rastovie-na-Donie abviaścili pavietranuju tryvohu, paśla čaho miascovyja žychary pačali publikavać kadry z maštabnym pažaram, piša «Ukrainskaja praŭda».
Vierahodna, uzharańnie adbyłosia na terytoryi vajennaha aeradroma «Rastoŭ-na-Donie — Centralny». Adzin z ačahoŭ pažaru znachodzicca ŭ rajonie stajanki samalotaŭ.
Akramia taho, pad ataku dronaŭ trapiŭ i rasijski horad Jarasłaŭl. Tam udar pryjšoŭsia na miascovy naftapierapracoŭčy zavod — «Słaŭnafta — JANAS». Na NPZ uspychnuŭ maštabny pažar.