Dačka Domračavaj i Bjorndalena vyjhrała honku na łyžarolerach u Minsku
Ksienija na 13 siekund abahnała pieraślednicu. Usia ŭ zornuju mamu.
Ksienija Bjorndalen, 9‑hadovaja dačka alimpijskich čempijonaŭ pa bijatłonie Darji Domračavaj i Ule-Ejnara Bjorndalena, stała pieramožcaj pieršaha etapu staličnaha Kubka pa łyžarolerach i krosie. Spabornictvy prajšli na łyžarolernaj trasie «Viaśnianka» ŭ Minsku ŭ aŭtorak, piša Betnews.by
Ksienija Bjorndalen pradstaŭlała Centralny rajon Minska i pakazała najlepšy vynik siarod dziaŭčat 2016‑2017 hadoŭ naradžeńnia.
Tak, jana pieraadoleła dystancyju 1,4 km volnym stylem za 3 chviliny 16,9 siekundy. Usiaho na start u hetaj uzrostavaj katehoryi vyjšli 24 spartsmienki, ale dźvie nie finišavali.
U trojku pryzioraŭ taksama ŭvajšli Marjana Macialonak, jakaja prajhrała Domračavaj-małodšaj 13,5 siekundy, i Evielina Šapira, jakaja adstała ad lidarki na 28,8 siekundy.
Staličny Kubak praciahniecca 18 vieraśnia indyvidualnaj honkaj kłasičnym stylem. Pryčym startavy pratakoł druhoha etapu budzie sfarmiravany na asnovie vynikaŭ pieršaha etapu.