Paśla rekanstrukcyi adkryŭsia ruch pa darozie Połack — Lepiel
Ministerstva transpartu paviedamiła pra zaviaršeńnie rekanstrukcyi 60‑kiłamietrovaha ŭčastka aŭtadarohi R-46 Lepiel — Połack — miaža Rasii (Juchavičy), jaki złučaje Połack i Lepiel.
Fota: Mintrans
Paśla rekanstrukcyi daroha adpaviadaje druhoj techničnaj katehoryi. Jaje apornuju zdolnaść pavialičyli da 11,5 tony.
Padčas rabot na darozie ŭkłali bolš za 417 tysiač ton asfaltabietonu, ustalavali 30 kiłamietraŭ barjernaj aharodžy i 47 kiłamietraŭ sietki dla abarony ad dzikich žyvioł.
Fota: Mintrans
Akramia taho, na abnoŭlenym učastku abstalavali 54 aŭtobusnyja prypynki, prakłali 5 kiłamietraŭ chodniku i ŭkaranili sistemu manitorynhu ruchu i videanazirańnia.
Paśla zakančeńnia rekanstrukcyi ruch pa darozie pamiž Połackam i Lepielem adkryty.
Čytajcie taksama:
U Minsku źbirajucca ŭźvieści niekalki mastoŭ
Važny most pad Minskam zakryjuć na rekanstrukcyju
Stała viadoma, kali ŭ Minsku pabudujuć treciaje transpartnaje koła