U Astravieckim rajonie mužčyna zhareŭ u traktary
Uviečary 16 vieraśnia na poli kala vioski Hurniki Astravieckaha rajona adbyŭsia pažar, u vyniku jakoha zahinuŭ čałaviek.
Fota: ostrovets.by
Jak paviedamlaje rajonnaja hazieta «Astravieckaja praŭda», adzin z žycharoŭ vioski zaŭvažyŭ dym z boku pola i ŭbačyŭ, što haryć traktar.
Pažar źniščyŭ kabinu sielskahaspadarčaj mašyny i paškodziŭ zadnija koły. Unutry traktara znajšli mocna abharełaje cieła mužčyny.
Pavodle papiaredniaj viersii, uzharańnie mahło adbycca praz parušeńnie pravił ekspłuatacyi elektraabstalavańnia.