U Minsku maładzion ź Viciebščyny chacieŭ padpalić aŭtamabil piensijaniera

U milicyju źviarnuŭsia 67‑hadovy žychar Minska, jaki paviedamiŭ, što nieviadomy pranik na terytoryju jaho pryvatnaha doma i padpaliŭ aŭtamabil. Supracoŭniki kryminalnaha vyšuku Maskoŭskaha RUUS stalicy chutka ŭstanavili asobu padazravanaha i zatrymali jaho.

Fota ilustracyjnaje

Parušalnikam byŭ 20‑hadovy žychar Viciebskaj vobłaści, jaki pryjechaŭ u Minsk, kab nibyta pastupić u vyšejšuju navučalnuju ŭstanovu. U pieršyja dni znachodžańnia ŭ stalicy jon užyvaŭ ałkahol razam sa znajomymi, a padčas prahułki apynuŭsia ŭ pryvatnym siektary.

Małady čałaviek pieralez praz płot na terytoryju adnaho z damoŭ. U dvary jon ubačyŭ hruzavik MAZ i lehkavy aŭtamabil Dodge Caravan. Spačatku chłopiec sprabavaŭ zavieści hruzavik, ale nie spraviŭsia heta zrabić. Paśla jon pasprabavaŭ zavieści druhi aŭtamabil, adnak i tut nie zdoleŭ razabracca z kiravańniem.

U sałonie Dodge Caravan padazravany znajšoŭ hazavuju harełku. Jon uklučyŭ jaje, pakinuŭ na piarednim siadzieńni, začyniŭ aŭtamabil i syšoŭ.

Z-za abmiežavanaha dostupu pavietra ŭ zakrytym sałonie połymia zhasła, tamu pažar nie raspaŭsiudziŭsia.

Zatrymany nie zmoh rastłumačyć svoj učynak. U dačynieńni da jaho zaviali kryminalnyja spravy.

Kamientary da artykuła