Homielskamu piensijanieru pradali niaspraŭny trymier i zapłacili za heta ŭ šeść razoŭ bolš
79‑hadovy žychar Homiela kupiŭ elektryčny trymier dla travy sa źnižkaj za 203 rubli. Adnak jašče ŭ harantyjny pieryjad u techniki złamaŭsia reduktar.
Zdymak ilustracyjny. Fota: vecteezy.com
Mužčyna źviarnuŭsia da pradaŭca z patrabavańniem zabrać niaspraŭny trymier i viarnuć za jaho hrošy, ale ŭ kramie jaho pretenziju praihnaravali.
Tady abaronaj pravoŭ piensijaniera zaniałosia tavarystva abarony pravoŭ spažyŭcoŭ. Była pryznačanaja ekśpiertyza, jakaja paćvierdziła, što pryčyna pałomki — vytvorčy defiekt, a nie vina kupca.
U vyniku praz sud damovu kupli-prodažu skasavali i abaviazali pradaŭca vypłacić mužčynu 203 rubli za trymier, 238 rubloŭ niaŭstojki i 250 rubloŭ u jakaści kampiensacyi maralnaj škody.
Akramia taho, z pradaŭca spahnali 553 rubli štrafu ŭ miascovy biudžet.
Takim čynam, ahulnaja suma vypłat skłała 1244 rubli, bolš čym u šeść razoŭ pieravysiŭšy pieršapačatkovy košt trymieru.
Čytajcie taksama:
40‑hadovaja minčanka Nasta šukaje mužčynu. Hałoŭnaje patrabavańnie — kab umieŭ kasić
Pad Pružanami na dačy padčas kaśby trymieram zahinuła 40‑hadovaja žančyna
U Dziatłaŭskim rajonie mužčyna zahareŭsia, zajmajučysia bienzatrymieram