Miemny Andrej Kryvanosaŭ bolš nie vajenkam Homielskaj vobłaści

Adyjoznaha vajskovaha kamisara Homielskaj vobłaści Andreja Kryvanosava zvolnili sa słužby. Jaho pamianiali na maładziejšaha vajskoŭca ŭ zvańni padpałkoŭnika i pakinuli prava našeńnia formy i ŭznaharod, piša «Fłahštok».

Andrej Kryvanosaŭ rekłamuje biełaruskija bliny, jakija «zalatajuć u rot nie vuzki». Skrynšot ź videa

Ciapier eks-kamisar zmoža zasiarodzicca na svajoj vysokaj pasadzie ŭ Minsku — pracy ŭ Saviecie Respubliki Nacyjanalnaha schodu Biełarusi.

Andrej Kryvanosaŭ staŭ šyroka viadomy paśla padziej 2020 hoda z-za svajoj aktyŭnaj padtrymki Łukašenki, jakaja časta vyjaŭlałasia ŭ davoli kamičnych formach.

Tak, padčas Usiebiełaruskaha narodnaha schodu ŭ lutym 2021 hoda jon pacisnuŭ ruku Alaksandru Łukašenku, u vyniku čaho nibyta atrymaŭ «zarad enierhii i rašučaści», a paśla publična pieradaŭ jaho inšym vajskoŭcam.

Taksama ŭ adnym z prapahandysckich efiraŭ, adkazvajučy na pytańnie surazmoŭcy, jon sam akreśliŭ siabie jak «jabaćku».

Kamientary da artykuła