Litoviec sprabavaŭ vyvieźci skradzienuju ŭ Polščy mašynu ŭ Biełaruś
16 vieraśnia na aŭtamabilnym pamiežnym pierachodzie ŭ Kuźnicy supracoŭniki Padlašskaha adździeła Pamiežnaj słužby Polščy zatrymali 58‑hadovaha hramadzianina Litvy, jaki sprabavaŭ vyvieźci z Polščy aŭtamabil Audi Q8.
Fota: podlaski.strazgraniczna.pl
Padčas pravierki vyśvietliłasia, što mašyna značycca ŭ Šenhienskaj infarmacyjnaj sistemie jak skradzienaja na terytoryi Polščy.
Havorka idzie pra Audi Q8 2023 hoda vypusku, košt jakoha aceńvajecca prykładna na 355 tysiač złotych (kala 96 tysiač dalaraŭ). Aŭtamabil kanfiskavali, a kiroŭcu zatrymali.
Spravu pieradali palicyi, jakaja budzie zajmacca dalejšym rasśledavańniem.
Pavodle Padlašskaha adździeła Pamiežnaj słužby Polščy, z pačatku 2026 hoda jaho supracoŭniki ŭžo vyjavili i viarnuli ŭładalnikam 12 aŭtamabilaŭ, atrymanych złačynnym šlacham. Ahulny košt hetych mašyn składaje amal 1,9 młn złotych (kala 515 tysiač dalaraŭ).
Čytajcie taksama:
U Biełaruś z Polščy sprabavali ŭvieźci aŭtamabil sa źmienienym VIN
Biełarus sprabavaŭ tajemna ŭvieźci ź Litvy darahi hadzińnik, ale zrabiŭ adnu pamyłku