Літовец спрабаваў вывезці скрадзеную ў Польшчы машыну ў Беларусь

16 верасня на аўтамабільным памежным пераходзе ў Кузніцы супрацоўнікі Падляшскага аддзела Памежнай службы Польшчы затрымалі 58‑гадовага грамадзяніна Літвы, які спрабаваў вывезці з Польшчы аўтамабіль Audi Q8.

Фота: podlaski.strazgraniczna.pl

Падчас праверкі высветлілася, што машына значыцца ў Шэнгенскай інфармацыйнай сістэме як скрадзеная на тэрыторыі Польшчы.

Гаворка ідзе пра Audi Q8 2023 года выпуску, кошт якога ацэньваецца прыкладна на 355 тысяч злотых (каля 96 тысяч даляраў). Аўтамабіль канфіскавалі, а кіроўцу затрымалі.

Справу перадалі паліцыі, якая будзе займацца далейшым расследаваннем.

Паводле Падляшскага аддзела Памежнай службы Польшчы, з пачатку 2026 года яго супрацоўнікі ўжо выявілі і вярнулі ўладальнікам 12 аўтамабіляў, атрыманых злачынным шляхам. Агульны кошт гэтых машын складае амаль 1,9 млн злотых (каля 515 тысяч даляраў).

Каментары да артыкула