U Biełarusi probašča kaścioła zabrali ŭ vojska. Ale nie nadoŭha

Katalickaha śviatara pryzvali na vajskovyja zbory — heta asablivy dla Biełarusi vypadak. Jak daviedalisia vierniki, pozvu atrymaŭ probašč parafii Naradžeńnia Božaj Maci ŭ Homieli ksiondz Alaksandr Kananovič, lidar muzyčnaha prajektu Step Project, piša Katolik.life.

Pa źviestkach katalickich viernikaŭ Biełarusi, śviatara pryzvali na zbory i nakiravali ŭ vajskovuju častku ŭ Asipovičach. Kudy dakładna — nieviadoma, ale, mahčyma, u artyleryjskuju bryhadu.

Z paviedamleńniaŭ presy, mienavita tudy ŭ apošnija dni masava nabirali žycharoŭ Homielskaj vobłaści — na vajskovyja zbory pa praviercy mabilizacyjnaj hatoŭnaści voinskich čaściej. Zbory doŭžacca 60 dzion.

Ale śviatar prabyŭ u vojsku ŭsiaho paru dzion — jaho raptoŭna adpuścili, i 17 vieraśnia jon viarnuŭsia ŭ Homiel, daviedalisia vierniki. Jany miarkujuć, što zastupiŭsia biskup. Ksiondz Alaksandr, va ŭmovach vostraha niedachopu duchavienstva, źjaŭlajecca adzinym śviatarom u bujnoj homielskaj parafii.

Kamientary da artykuła