U Litvie zastanucca tolki 13 z 25‑ci vyzvalenych učora palitviaźniaŭ

Daradca Śviatłany Cichanoŭskaj pa pytańniach dypłamatyi ŭviečary 17 vieraśnia raskazaŭ, jakaja ciapier situacyja z dapamohaj 25‑ci palitźniavolenym, vyzvalenym 16 vieraśnia ŭ vyniku amierykanska-biełaruskich pieramoŭ u Minsku i adrazu vydvaranym u Litvu.

Padčas sustrečy biełaruskich palitviaźniaŭ u Vilni 16 vieraśnia. Fota: LookByMedia

«Siońnia praktyčna ŭvieś dzień my praviali ŭ šełtary, a taksama ŭ ofisie Freedom House, dzie zajmalisia pytańniami lehalizacyi, rehistracyi našych palitźniavolenych.

I voś na siońnia my majem infarmacyju, što 13 čałaviek zastanucca ŭ Litvie — dziakuj vialiki Litvie za dapamohu, — 10 čałaviek pajeduć zaŭtra zranku ŭ Polšču. Tut vialiki dziakuj polskamu MZS, a taksama Paŭłu Łatušku za kaardynacyju hetaha pytańnia. 2 čałavieki pajeduć u inšuju krainu.

Ale praca na hetym, biezumoŭna, nie spynienaja. Tut my praciahniem dapamohu našym palitźniavolenym u pytańni reabilitacyi, miedycynskaj dapamohi, psichałahičnaj dapamohi. Vialiki dziakuj usim arhanizacyjam, jakija dapamahajuć z hetym — i «Volnyja», i «Kraina dla žyćcia», i, biezumoŭna, Freedom House i Biełaruski dom pravoŭ čałavieka», — paviedamiŭ Dzianis Kučynski.

Kamientary da artykuła