Na nadmahilnym pomniku akademika Hniłamiodava padkreślili jaho pachodžańnie FOTAFAKT
17 vieraśnia na mahile akademika-litaraturaznaŭca Uładzimira Hniłamiodava, jaki pamior u listapadzie 2024 hoda, adkryli nadmahilny pomnik. Jon vyhladaje vielmi aryhinalna, bo ŭ im vyrazna padkreślena, ź jakoha rehijonu čałaviek pachodziŭ.
Fota z sacsietak
Na častcy pomnika raźmiaščajecca vyjava Kamianieckaj viežy — hałoŭny architekturny pomnik rodnaha rajona akademika Hniłamiodava.
Uładzimir Hniłamiodaŭ naradziŭsia 26 śniežnia 1937 hoda ŭ vioscy Kruhiel ciapierašniaha Kamianieckaha rajona. Jon zaŭsiody padkreślivaŭ svajo pachodžańnie z hetaha rehijona, cikaviŭsia jaho historyjaj i admietnaściami. Padziei napisanaj im u pačatku XXI stahodździa tryłohii, jakaja składałasia z ramanaŭ «Ulis z Pruski», «Rasija» i «Viartańnie», razhortvajucca akurat na kamianieckaj ziamli abo adbyvajucca ŭ biežanstvie z vychadcami ź jaje.
Pachavany Hniłamiodaŭ na Uschodnich mohiłkach u Minsku.
Čytajcie taksama:
Pamior akademik Uładzimir Hniłamiodaŭ
Žychary Smaljanaŭ na Aršanščynie adrestaŭravali kamień na mahile Tamaša Zana FOTY