Na hetyja vychadnyja ŭ Minsku znoŭ pierakryjuć častku praśpiekta Niezaležnaści

U najbližejšyja vychodnyja ŭ Minsku časova pierakryjuć ruch na praśpiekcie Niezaležnaści na vyjeździe z horada ŭ rajonie Uručča ŭ bok Kurhana Słavy. Tam pačniecca ramont darožnaha pakryćcia.

Raboty startujuć a 20:00 u čaćvier, 17 vieraśnia, na ŭčastku ad Starynaŭskaj vulicy da piešachodnaha pierachodu kala doma № 202 na praśpiekcie Niezaležnaści.

U pieršyja dva dni, z 20:00 da 7:00, darožniki buduć zdymać stary asfalt i ŭkładvać nižni słoj novaha. U subotu, 19 vieraśnia, raboty praciahnucca z 7:00 da 18:00. U hety pieryjad ruch transpartu abmiažoŭvać nie płanujuć, ale praz pavolnaje pieramiaščeńnie aŭtamabilaŭ mohuć uźniknuć zatory, asabliva ŭ piatnicu ŭviečary.

Bolš surjoznyja abmiežavańni zapłanavanyja na vychadnyja pačynajučy ź viečara suboty. Ruch u kirunku horada całkam pierakryjuć z 19:00 19 vieraśnia da 12:00 20 vieraśnia. Vyjezd z horada budzie zakryty z 5:30 20 vieraśnia da 6:30 21 vieraśnia, heta značyć da ranicy paniadziełka. U hety čas buduć układvać asfalt.

Kiroŭcam rekamiendujuć zahadzia vybirać inšyja maršruty.

Apošniaje značnaje abmiežavańnie ruchu na praśpiekcie Niezaležnaści było źviazana z ramontam mosta pamiž cyrkam i płoščaj Pieramohi. Tady prajezd byŭ zakryty z 6 lipienia da 28 žniŭnia.

Kamientary da artykuła