Tramp zajaviŭ pra stvareńnie amierykanskaj vajskovaj bazy ŭ Polščy
Prezident ZŠA Donald Tramp zajaviŭ, što ŭ Polščy moža być stvoranaja amierykanskaja vajskovaja baza. Pra heta jon napisaŭ 17 vieraśnia ŭ sacyjalnaj sietcy Truth Social.
Donald Tramp. Fota: Win McNamee/Getty Images
Pa słovach Trampa, dziakujučy «śmiełamu lidarstvu» prezidenta Polščy Karala Naŭrockaha ŭ stvareńni bazy dasiahnuty značny prahres. Kali prajekt budzie realizavany, miesca raźmiaščeńnia bazy, sa słoŭ amierykanskaha prezidenta, abvieściać «vielmi chutka». Tramp nazvaŭ heta histaryčnym krokam dla amierykanska-polskaha aljansu.
Pytańnie ab pastajannaj prysutnaści amierykanskich vajskoŭcaŭ u Polščy abmiarkoŭvajecca ŭžo niekalki miesiacaŭ. U mai ministr abarony Polščy Uładzisłaŭ Kasiniak-Kamyš paviedamlaŭ, što Ministerstva abarony ZŠA stanoŭča pastaviłasia da polskaj prapanovy raźmiaścić u krainie pastajanny amierykanski kantynhient, ale kančatkovaha rašeńnia tady jašče nie było.
U červieni polski ŭrad uchvaliŭ pastanovu, jakaja zapuskaje farmalnuju praceduru stvareńnia pastajannaj bazy ŭzbrojenych sił ZŠA na terytoryi krainy. Ciapier amierykanskija vajskoŭcy ŭžo znachodziacca ŭ Polščy, ale ich prysutnaść maje ratacyjny charaktar.
Čytajcie taksama:
Vajskovy daradca Trampa paraiŭ rychtavacca da bajavych dziejańniaŭ na arbicie Miesiaca
Tramp pryhraziŭ spynić handal ź ES u vypadku dałučeńnia da błoka Kanady
Tramp padpiša zakon ab «piakielnych» sankcyjach suprać Rasii