Machlary buduć masava duryć piensijanieraŭ da 1 kastryčnika
Napiaredadni Dnia pažyłych ludziej, jaki adznačajecca 1 kastryčnika, u Biełarusi čakajecca pavyšeńnie aktyŭnaści telefonnych ašukancaŭ. U milicyi papiaredzili pra novuju schiemu, skiravanuju na piensijanieraŭ.
Zdymak ilustracyjny. Fota: «Naša Niva»
Padžyłym ludziam mohuć telefanavać nieviadomyja, jakija pradstaŭlajucca supracoŭnikami Fondu sacyjalnaj abarony nasielnictva. Jany mohuć paviedamlać pra nibyta śviatočnyja vypłaty da 1 kastryčnika i prapanoŭvać «aformić» ich. Dla hetaha ašukancy sprabujuć atrymać piersanalnyja źviestki abo kody z SMS-paviedamleńniaŭ.
U milicyi padkreślili, što nijakich «biaśpiečnych rachunkaŭ», pra jakija lubiać kazać machlary, nie isnuje, a sapraŭdnyja supracoŭniki dziaržaŭnych orhanaŭ nikoli nie prosiać nazyvać kod z SMS.
Kali padčas takoha zvanka patrabujuć pieradać asabistyja źviestki abo vykanać niejkija instrukcyi, nieabchodna adrazu pakłaści słuchaŭku. Nie varta vykonvać patrabavańni nieznajomcaŭ, navat kali jany kažuć pra pieraraźlik piensii, pravierku pracoŭnaha stažu abo dadatkovyja vypłaty.
Pry nieabchodnaści infarmacyju pra vypłaty ci inšyja pytańni možna samastojna pravieryć pa aficyjnych numarach dziaržaŭnych orhanaŭ, paznačanych na ich sajtach.
Čytajcie taksama:
Minčanka pakinuła 44 tysiačy rubloŭ u schovancy, jana dumała, što zabiare inkasatar
Adkul machlary daviedvajucca imiony, numary i navat miescy pracy biełarusaŭ?
Telegram abnaviŭsia, i hetym adrazu ž skarystalisia machlary