Kostku maładoha mamanta znajšli ŭ Mikaševičach
Pierš čym trapić da navukoŭcaŭ, kostka 30 hadoŭ zachoŭvałasia doma ŭ miascovych žycharoŭ.
Fota: Instytut historyi NAN Biełarusi
Plečavuju kość maładoha mamanta znajšli ŭ Mikaševičach.
«Znachodku ŭžo pahladzieli śpiecyjalisty, akazałasia, što heta kość levaha plača maładoha mamanta. Jana ŭ dobrym stanie. Pakul jašče nieviadomy ŭzrost hetaj kości, pravodziacca analizy. Zaraz jana ŭžo znachodzicca ŭ ekspazicyi Instytuta historyi. Chutčej za ŭsio, budzie zachoŭvacca ŭ nas albo pieradadzim jaje paleantołaham», — raskazaŭ BiełTA zahadčyk centra archieałohii Biełarusi Instytuta historyi Nacyjanalnaj akademii navuk Alaksiej Aŭłasovič.
Fota: Instytut historyi NAN Biełarusi
Novy ekspanat ź Mikaševičaŭ pieradaŭ u Instytut historyi NAN Biełarusi miascovy žychar. Znachodka čakała svajho času 30 hadoŭ.
«Moj baćka pracavaŭ ekskavatarščykam na RUPP «Hranit». Zdymali vierchni słoj piasku, kab da hranitu dabracca. I padčas hetych manipulacyj i byli znojdzieny kostki. Ja tady byŭ školnikam. Znachodka tak i zachoŭvałasia ŭ nas kala 30 hadoŭ. I ja vyrašyŭ pieradać jaje vučonym», — adznačyŭ Uładzimir Mironaŭ.