Da Dažynak vypuścili 100‑kiłahramovy hłazuravany syrok FOTAFAKT
Unutry — dubajskaja načynka.
Skrynšot videa: «Minskaja praŭda»
Na abłasnyja Dažynki ŭ Dziaržynsku pryvieźli hihancki hłazuravany syrok. Prysmak vahoj 100 kiłahramaŭ vyrabiŭ Słucki syrarobny kambinat.
Nazyvajecca syrok «Dubajskaja noč» — unutry ŭ jaho fistaškavaja pasta.
Razrazać syrok uziaŭsia kiraŭnik Minskaj vobłaści Alaksiej Kušnarenka.
Apošnim časam na rehijanalnych śviatach zachapilisia hihantamanijaj. To ŭ Hrodnie na Dzień horada pastaviać hihanckuju syrnuju talerku, to va Uździenskim rajonie pasmažać na vializnaj patelni 150 kiłahramaŭ bulby, to ŭ Lidzie skruciać hihanckuju šaurmu.