Va Uździenskim rajonie na hihanckaj patelni za raz pryhatavali 150 kiłahramaŭ smažanaj bulby FOTY
U ahraharadku Dzieščanka Uździenskaha rajona padčas rehijanalnaha fiestyvalu-kirmašu «Bulbiany fest» adkryli niezvyčajny art-abjekt — hihanckuju patelniu dyjamietram 1,8 mietra. Na joj možna hatavać vialikuju kolkaść ježy adrazu, piša «Minskaja praŭda».
Pieršaja strava na novaj patelni źjaviłasia adrazu paśla jaje adkryćcia. Dla haściej śviata kuchary Dzieščanskaj siaredniaj škoły pryhatavali smažanuju bulbu ź miasam. Na stravu vykarystali 150 kiłahramaŭ bulby i 20 kiłahramaŭ miasa. Bulba atrymałasia rumianaj i duchmianaj, a naviedvalniki fiestyvalu chutka razabrali jaje na dehustacyju.
Padčas śviata adbyłasia jašče adna kulinarnaja akcyja. Staršynia Minskaha abłvykankama Alaksiej Kušnarenka pryhatavaŭ draniki na tak zvanaj «taježnaj śviečcy» — śpiecyjalnaj draŭlanaj kałodcy, jakaja vykarystoŭvajecca dla hatavańnia. Hetym razam atrymalisia niezvyčajnyja draniki ź sierviełatam, jakija nazvali «hubiernatarskimi».
Vioska Dzieščanka viadomaja tym, što tam isnuje muziej bulby i pomnik hetaj nadzvyčaj papularnaj u Biełarusi sielskahaspadarčaj kultury.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
bulby i dzievak!