Natoŭp školnikaŭ sabraŭsia pad kramaj Mark Formelle — brend vypuściŭ limitavanuju kalekcyju z šalona papularnym śpievakom z Baranavičaŭ

Na sustreču z repieram Nkeeei u Pieršy nacyjanalny handlovy dom prybiehła niejmaviernaja kolkaść školnikaŭ. 

Nkeeei. Tut i dalej skrynšoty instahrama Mark Formelle

Raniej Mark Formelle časta krytykavali za toje, što biełaruski brend robić svaje limitavanyja kalekcyi razam z rasijskimi zorkami. Tak, letaś kampanija vypuściła kałabaracyju sa śpiavačkaj Volhaj Buzavaj. A ŭ 2023 hodzie — z eks-himnastkaj i viadučaj Lajsan Uciašavaj. 

Hetym ža razam Mark Formelle vybraŭ dla sumiesnaha prajekta repiera Nkeeei. Sapraŭdnaje imia artysta Mikita Karabyka, sam jon z Baranavičaŭ. Vučyŭsia na prahramista, ale ŭ vyniku abraŭ tvorčaść.

I, jak užo bačna, nie pamyliŭsia — bo staŭ vielmi papularnym jak u Biełarusi, tak i ŭ Rasii. Samaja viadomaja pieśnia — «Hłamur». Sioleta Nkeeei staŭ adnym z nastaŭnikaŭ na dziciačym «Faktar.baj». 

Posmotrieť publikaciju v Threads

Mark Formelle ža kaža, što małady śpiavak natchniŭ brend na stvareńnie śmiełaj i jarkaj kapsuły, jakaja viartaje dziorzkaść i charaktar ​​na vulicy horada: «U kalekcyi spałučylisia hłamur, vajb nulavych i ŭnikalny styl samoha Nkeeei. Leapard, strazy, jakija kryčać, nadpisy — kožnaja detal adlustroŭvaje nastroj i charaktar. Hetaje adzieńnie dla tych, chto zvyk być u centry ŭvahi, nie šukaje kampramisaŭ i nie baicca być zaŭvažanym».

Sam ža artyst raskazvaje, što jaho adzieńnie nie dla taho, kab kahości ŭrazić, a kab adčuvać siabie svabodnym. 

Dyzajniery tym časam prapanoŭvajuć nadziavać pižamnyja štany ź leapardavym pryntam, kali idzieš pa ranišniuju kavu. Kažuć, stylna i kamfortna. 

Siońnia brend pravodziŭ sustreču z Nkeeei la svajoj kramy ŭ Pieršym nacyjanalnym handlovym domie. I choć metavaj aŭdytoryjaj kalekcyi kampanija bačyła tych, chto naradziŭsia napačatku nulavych, na mierapryjemstva pryjšło šmat školnikaŭ. Pamier čarhi na aŭtohraf-siesiju ŭražvaje.

Baćki tym časam aburajucca, što ŭ handlovym centry nie zmahli narmalna arhanizavać čarhu.

Arhanizatary apraŭdvalisia tym, što nichto nie čakaŭ takoj kolkaści ŭdzielnikaŭ: «Łoł. Artyst źbiraje tysiačy ludziej na kancertach za hrošy i z abmiežavańniem 16+. A BIASPŁATNA, kaniešnie, pryjdzie šmat ludziej (DZIACIEJ). Čamu nielha było pierastrachavacca, prydumać niešta na takija vypadki? Była žudasnaja ciskanina (tamu što šturchali supracoŭniki)!».

Kamientary da artykuła