«On pašiet, ja krasivaja». Kałhas na Mazyrščynie zavablivaje rabotnikaŭ pieśniami i tancami VIDEA
Ahrapradpryjemstva «Kozienki-Ahra», što ŭ Mazyrskim rajonie, šukaje sabie rabotnikaŭ. A pakolki zvyčajnymi sposabami ich zavabić, vidać, składana, na pradpryjemstvie vyrašyli dziejničać kreatyŭna.
Skrynšot ź videa
Na videaroliku, jaki źjaviŭsia na tyktok-staroncy pradpryjemstva, źnialisia chłopiec i try dziaŭčyny. Rolik zapisany na fiermie z karovami. Chłopiec u akularach i biełym chałacie vozić na tačcy niejkaje rečyva ŭ 25‑kiłahramovaj upakoŭcy i padkidaje viłami karovam zialony korm. Dziaŭčaty ŭ biełych z bubačkami sukienkach nie pracujuć, a navodziać makijaž i viesieła vytancoŭvajuć. Naprykancy rolika da ich na fonie karoŭnika dałučajecca i chłopiec.
Na fonie ŭsiaho hetaha dziejańnia hraje pieśnia rasijskaj śpiavački Mia Boyka «Ekspanat».
Mahčymymi napramkami dla pracaŭładkavańnia tych, chto natchnicca rolikam, akreślenyja «žyviołahadoŭla, dohlad žyvioły, apracoŭka terytoryi i inšyja sielskahaspadarčyja zadačy».
Kankretnyja ŭmovy ŭ abjavie nie akreślenyja. Dla atrymańnia infarmacyi pra vakansii, umovy i nieabchodnyja dla pracaŭładkavańnia dakumienty prapanujuć źviartacca niepasredna na pradpryjemstva.
Čytajcie taksama:
Da Dažynak vypuścili 100‑kiłahramovy hłazuravany syrok FOTAFAKT
Łukašenka zaklikaŭ sadžać bolš bulby
«Za heta ŭ turmu treba sadzić». Łukašenku aburyła, jak ciarebiać lon na rodnaj Škłoŭščynie