«Он пашет, я красивая». Калгас на Мазыршчыне заваблівае работнікаў песнямі і танцамі ВІДЭА

Аграпрадпрыемства «Козенкі-Агра», што ў Мазырскім раёне, шукае сабе работнікаў. А паколькі звычайнымі спосабамі іх завабіць, відаць, складана, на прадпрыемстве вырашылі дзейнічаць крэатыўна. 

Скрыншот з відэа

На відэароліку, які з'явіўся на тыкток-старонцы прадпрыемства, зняліся хлопец і тры дзяўчыны. Ролік запісаны на ферме з каровамі. Хлопец у акулярах і белым халаце возіць на тачцы нейкае рэчыва ў 25‑кілаграмовай упакоўцы і падкідае віламі каровам зялёны корм. Дзяўчаты ў белых з бубачкамі сукенках не працуюць, а наводзяць макіяж і весела вытанцоўваюць. Напрыканцы роліка да іх на фоне кароўніка далучаецца і хлопец.

На фоне ўсяго гэтага дзеяння грае песня расійскай спявачкі Mia Boyka «Экспанат». 

Магчымымі напрамкамі для працаўладкавання тых, хто натхніцца ролікам, акрэсленыя «жывёлагадоўля, догляд жывёлы, апрацоўка тэрыторыі і іншыя сельскагаспадарчыя задачы». 

Канкрэтныя ўмовы ў аб'яве не акрэсленыя. Для атрымання інфармацыі пра вакансіі, умовы і неабходныя для працаўладкавання дакументы прапануюць звяртацца непасрэдна на прадпрыемства. 

Каментары да артыкула