Praz «niesankcyjanavanyja bieśpiłotniki» prypyniali pracu aeraporta Luksiemburha
Uviečary 18 vieraśnia pracu aeraporta Luksiemburh-Findel časova prypynili paśla taho, jak pablizu i nad jaho terytoryjaj zaŭvažyli «niesankcyjanavanyja bieśpiłotnyja latalnyja aparaty». Ranicaj 19 vieraśnia aeraport adnaviŭ pracu, piša Reuters.
Fota: Getty Images/Nicolas Economou/NurPhoto
Administracyja adzinaha mižnarodnaha aeraporta Luksiemburha zajaviła, što prypynieńnie palotaŭ było previentyŭnaj mieraj dziela biaśpieki pasažyraŭ, ekipažaŭ, supracoŭnikaŭ aeraporta i pavietranych sudnaŭ.
Padrabiaznaściaŭ pra pachodžańnie dronaŭ i asobaŭ, jakija imi kiravali, administracyja nie paviedamiła.
Aeraport Luksiemburha źjaŭlajecca hałoŭnym vuzłom nacyjanalnaj avijakampanii Luxair. Administracyja paviedamiła, što praciahvaje sačyć za situacyjaj u supracoŭnictvie z adpaviednymi dziaržaŭnymi orhanami.
Čytajcie taksama:
Jemienskija chusity znoŭ atakavali Saudaŭskuju Araviju
Na terytoryi Biełarusi vyjavili čatyry retranślatary dla rasijskich dronaŭ
Litoŭskaje MZS dasłała Biełarusi notu rašučaha pratestu
Naŭsieda: U Litvie, vierahodna, źbili rasijski dron «Hierbiera»