16 vieraśnia ŭ Ministerstva zamiežnych spraŭ Litvy vyklikali pradstaŭnika pasolstva Biełarusi ŭ Litvie i ŭručyli jamu notu rašučaha pratestu ŭ suviazi z parušeńniem dziaržaŭnaj miažy i pavietranaj prastory Litvy.
U nocie adznačajecca, što ŭ noč z 14 na 15 vieraśnia 2026 hoda srodkami abjektyŭnaha kantrolu byŭ zafiksavany bieśpiłotny latalny aparat, jaki z boku Biełarusi parušyŭ dziaržaŭnuju miažu i pavietranuju prastoru Litvy.
Litoŭskaje MZS rasceńvaje hety incydent jak hrubaje parušeńnie mižnarodnaha prava i patrabuje ad Biełarusi nieadkładna dać padrabiaznaje tłumačeńnie taho, što adbyłosia, a taksama nie dapuścić padobnych parušeńniaŭ u budučyni.
Litva taksama patrabuje, kab Biełaruś zabiaśpiečyła efiektyŭny kantrol nad svajoj terytoryjaj i pavietranaj prastoraj i nie dapuskała dziejańniaŭ, jakija mohuć stvarać pahrozu biaśpiecy susiednich dziaržaŭ.
U MZS Litvy padkreślili, što kraina pakidaje za saboj prava razam z sajuźnikami pryniać usie nieabchodnyja miery dla harantavańnia nacyjanalnaj biaśpieki, terytaryjalnaj cełasnaści i biaśpieki nasielnictva.
Unočy 15 vieraśnia litoŭskija vajskoŭcy vyjavili abjekt, jaki ŭvajšoŭ u pavietranuju prastoru Litvy. Jaho źbili italjanskija źniščalniki NATA.
Paźniej litoŭskija ŭłady zajavili, što źbity bieśpiłotnik nios vybuchoŭku. U Ministerstvie abarony Litvy adznačyli, što heta byŭ pieršy taki vypadak parušeńnia pavietranaj prastory krainy.
15 vieraśnia daradca prezidenta Litvy Dejvidas Matulonis zajaviŭ, što ź Minska Vilniu nie papiaredžvali pra hety bieśpiłotnik. Na nastupny dzień prezident Litvy Hitanas Naŭsieda paviedamiŭ, što źbity abjekt byŭ bieśpiłotnikam rasijskaj vytvorčaści typu «Hierbiera».
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ90
Kamientary