U Pružanskim rajonie zahinuŭ matacyklist-biaspraŭnik
U Pružanskim rajonie ŭ vyniku avaryi zahinuŭ 39‑hadovy matacyklist, jaki nie mieŭ prava kiravać transpartnymi srodkami, paviedamlaje UUS Bresckaha abłvykankama.
Fota: UUS Bresckaha abłvykankama
DTZ adbyłosia ŭ piatnicu kala 23:00 na vulicy Sadovaj u ahraharadku Suchopal. Mužčyna jechaŭ na matacykle CANYON 300. Kala doma №1 jon nie daŭ rady kiravańniu, źjechaŭ z prajeznaj častki i reznuŭsia ŭ prydarožnaje dreva.
Ad atrymanych traŭmaŭ mužčyna pamior na miescy zdareńnia.
U milicyi nahadali, što kiravańnie matacykłam patrabuje dobraj kaardynacyi, chutkaj reakcyi i ŭmieńnia zahadzia aceńvać darožnuju situacyju. Matacyklistam rekamiendujuć vybirać biaśpiečnuju chutkaść, jakaja dazvalaje svoječasova reahavać na źmieny abstanoŭki, a padčas ruchu być uvažlivymi i aściarožnymi.