Ataka dronaŭ pa Maskvie. Haryć NPZ, jaki zabiaśpiečvaje 70 pracentaŭ patrebaŭ rasijskaj stalicy i rehijona ŭ bienzinie
Paćvierdžana ataka ŭkrainskich dronaŭ na maskoŭski NPZ «Hazpramnafta-MNPZ» u rajonie Kapotni.
Zavod — adzin z najbujniejšych u Rasii, jaho mahutnaść składaje 11 młn ton nafty ŭ hod. Jon zabiaśpiečvaje kala 40% paliŭnaha rynku Maskvy i 70% patrebaŭ rehijona ŭ bienzinie i avijacyjnym palivie.
Žychary Padmaskoŭja i Maskvy paviedamlali pra vialikuju kolkaść vybuchaŭ na praciahu nočy — NPZ staŭ tolki adnym z abjektaŭ, jakija apynulisia pad udaram.
Hetaj ža nočču pad Maskvoj užo čulisia vybuchi praz ataku dronaŭ — zafiksavanyja sieryi vybuchaŭ i praloty hrup dronaŭ u niekalkich napramkach, a ŭ pasiołku Sofjina, vierahodna, uspychnuŭ pažar na składskich pamiaškańniach.