Minčuk znajšoŭ pašpart, addaŭ uładalniku, ale staŭ fihurantam kryminalnaj spravy
Što adbyłosia?
43‑hadovy minčuk sa znajomym prachodziŭ pa padziemnym pierachodzie stancyi mietro «Traktarny zavod». Pablizu praduktovaj kramy pryjaciel ubačyŭ na padłozie pašpart, padniaŭ jaho i zajšoŭ u kramu, kab spytać, ci nie viedaje pradaviec, kamu naležyć dakumient. Žančyna adkazała admoŭna, pišuć Minsk-naviny.
Jon zabraŭ znachodku, skazaŭšy, što pasprabuje sam adšukać uładalnika. Ahledzieŭšy jašče raz pašpart, znajšoŭ pad vokładkaj 185 rubloŭ i zabraŭ sabie.
Paśla jon usio ž znajšoŭ uładalnika dakumienta praz sacyjalnyja sietki i damoviŭsia ź im ab sustrečy. Pa darozie jon źniaŭ z pašparta vokładku i razam ź miedycynskaj vypiskaj, tałonam, vizitoŭkaj i astatnimi 70 rublami, jakija lažali pad joj, zakapaŭ pad drevam. Minčuk spadziavaŭsia, što nieznajomiec padziakuje jamu, adnak toj pryjšoŭ na sustreču z supracoŭnikami milicyi.
Pieršapačatkova mužčyna śćviardžaŭ, što nibyta znajšoŭ dakumient užo biez vokładki. Potym supracoŭniki milicyi ŭsio ž vyśvietlili, kudy dzielisia hrošy paciarpiełaha.
Akazałasia, mužčyna, što zhubiŭ pašpart, u toj dzień naviedvaŭ donarski centr i atrymaŭ hrošy za zdaču kryvi. Na zvarotnym šlachu jon vypuściŭ pašpart, ale nieŭzabavie spachapiŭsia i viarnuŭsia ŭ padziemny pierachod. Potym zajšoŭ u kramu. Pradaviec raspaviała, što jahony dakumient znajšli dvoje mužčyn. Tady mužčyna paviedamiŭ pra zdareńnie na liniju «102». Jašče praz čas ź im na suviaź vyjšaŭ i sam abvinavačany.
U dačynieńni da minčuka raspačali kryminalnuju spravu.