Hurt Inteligency zapisaŭ kavier na chit «Pieśniaroŭ»
Inteligency pradstavili svaju viersiju kultavaj «Dobry viečar, dziaŭčynačka!» ansambla «Pieśniary» na muzyku kampazitara Ihara Łučanka, piša «Budźma».
«Kultavaja «Dobry viečar, dziaŭčynačka!» ad I. Łučanka i «Pieśniaroŭ», jak my jaje adčuli! Tančyć nasupierak abstavinam — toje, što časam patrebna!» — napisali muzyki ŭ svaich sacsietkach.
Pieśnia ŭvojdzie ŭ novy albom hurta. Heta budzie pieršy paŭnafarmatny biełaruskamoŭny albom za ŭvieś čas isnavańnia kalektyvu («Belaruski Album»). Dakładnaja data vychadu pakul nieviadomaja, ale muzyki abiacajuć, što ŭžo chutka.