Pieršyja vyniki: «Adzinaja Rasija» nabiraje 58%
Na minułych vybarach 5 hadoŭ tamu kiroŭnaja rasijskaja partyja mieła 49,82%
Uładzimir Pucin. Fota Contributor, Getty Images.
Rasijski Centrvybarkam apublikavaŭ pieršyja vyniki padlikaŭ hałasoŭ na vybarach u Dziarždumu. Paśla apracoŭki 13,88% pratakołaŭ «Adzinaja Rasija» maje 57,54%.
Na druhim miescy KPRF z 13,67%, na trecim — ŁDPR z 9,27%.
Papiarednie ŭ Dziarždumu taksama traplajuć jašče dźvie psieŭdaapazicyjnyja partyi: «Novyja ludzi» (7,96%) i «Spraviadlivaja Rasija» (5,16%).
U 2021 hodzie «Adzinaja Rasija» pa aficyjnych padlikach mieła 49,82%.
Vybary ŭ Dziarždumu prajšli va ŭmovach abmiežavanaj palityčnaj kankurencyi, a taksama piataha hoda vajny, kali ŭkrainskija ataki na rasijskuju naftaapracoŭku vyklikali deficyt paliva, dalokaść udaraŭ USU raście z kožnym dniom, a rasijskaja armija znachodzicca ŭ hłybokim kryzisie.
Bolšaść kandydataŭ, jakija adkryta vystupali suprać vajny va Ukrainie, da vybaraŭ nie dapuścili. U žniŭni Viarchoŭny sud Rasii admianiŭ rehistracyju fiederalnaha śpisu «Jabłyka» — adzinaj zarehistravanaj partyi, jakaja adkryta vystupała suprać vajny.
Niezaležnych mižnarodnych naziralnikaŭ Rasija taksama nie zaprasiła.