Łukašenka pavinšavaŭ Pucina z pośpiecham na vybarach
21 vieraśnia Alaksandr Łukašenka pavinšavaŭ prezidenta Rasii Uładzimira Pucina z paśpiachovym praviadzieńniem adzinaha dnia hałasavańnia.
Alaksandr Łukašenka i Uładzimir Pucin. Fota: Maxim Shipenkov Pool Photo via AP
U vinšavańni Łukašenka adznačyŭ biesprecedentnuju aktyŭnaść miljonaŭ vybarcaŭ i paćvierdžanuju hałoŭnaj pucinskaj partyjaj «Adzinaja Rasija» kanstytucyjnuju bolšaść u Dziaržaŭnaj dumie. Pavodle jaho viersii, heta stała adkazam na sproby zvonku dyskredytavać vybarčuju kampaniju i ŭnieści raskoł u rasijskaje hramadstva.
Łukašenka zajaviŭ, što vyniki vybaraŭ, na jaho dumku, śviedčać pra prychilnaść rasijan da vyznačanaha Uładzimiram Pucinym kursu na stabilnaje raźvićcio Rasii jak mocnaj dziaržavy, adkrytaj da partniorstva i supracoŭnictva.
Adpaviedna z hetym jon pažadaŭ Uładzimiru Pucinu realizacyi ŭsich svaich dobrych namieraŭ na karyść Rasii.
Pavodle papiarednich padlikaŭ, «Adzinaja Rasija» moža atrymać ad 348 da 356 miescaŭ u Dziarždumie novaha sklikańnia. Heta stanie najbujniejšym pradstaŭnictvam partyi ŭ parłamiencie za ŭsiu jaje historyju.
Paśla apracoŭki 97,37% pratakołaŭ «Adzinaja Rasija» nabiraje pa partyjnych śpisach 57,96% hałasoŭ i lidziruje ŭ 209 z 225 adnamandatnych akruhaŭ. Praŭda, vybary na ŭsich ich etapach pravodzilisia takim čynam, što niama nijakich sumnievaŭ u tym, chto ich vyniki byli administracyjna vyznačanyja zahadzia.
Čytajcie taksama:
U rasijskuju Dziarždumu pryznačyli 86 udzielnikaŭ napadu na Ukrainu