U rasijskuju Dziarždumu pryznačyli 86 udzielnikaŭ napadu na Ukrainu
Stolki vyłučyła partyja «Adzinaja Rasija», paviedamlaje «Dožd́».
Pavodle papiarednich vynikaŭ vybaraŭ, što prajšli ŭ Rasii 18‑20 vieraśnia, deputatami Dziarždumy stanuć 86 udzielnikaŭ vajny suprać Ukrainy, vyłučanych «Adzinaj Rasijaj», paviedamiŭ sakratar hiensavieta partyi Uładzimir Jakušaŭ na pres-kanfierencyi pa vynikach hałasavańnia.
«Heta taki surjozny ŭkład. Pakul heta papiarednija vyniki, ale hety faktar vielmi važny. Pra heta kazaŭ i prezident. Kožny hod my dapamahajem udzielnikam «SVA» stanavicca spačatku kandydatami, a potym atrymlivać mandaty na municypalnych vybarach, a ciapier — i na fiederalnych. U dalejšym my płanujem aktyŭna pracavać ź imi jak z pradstaŭnikami nižniaj pałaty parłamienta», — zajaviŭ Jakušaŭ.
Pavodle papiarednich padlikaŭ, «Adzinaja Rasija» moža atrymać ad 348 da 356 miescaŭ u Dziarždumie novaha sklikańnia. Heta stanie najbujniejšym pradstaŭnictvam partyi ŭ parłamiencie za ŭsiu jaje historyju.
Paśla apracoŭki 94,41% pratakołaŭ «Adzinaja Rasija» nabiraje pa partyjnych śpisach 57,83% hałasoŭ i lidziruje ŭ 209 z 225 adnamandatnych akruhaŭ.
Vynikovaja kolkaść miescaŭ zaležyć ad vyniku «Spraviadlivaj Rasii», jakaja z 4,96% pakul nie pieraadolvaje piacipracentny barjer.
Ciapier čytajuć
U Minsku masažyst Andrej tajemna zdymaŭ hołych klijentak29
Kamientary
Budzie bolej dypłamatyčnych skandałaŭ z usimi susiedziami, na terytoryi jakich raška vusnami svaich deputataŭ-akupantaŭ zajavić niejkija "histaryčnyja pravy". Što ž, tym chutčej razvalicca maskoŭskaja psieŭdaintehracyja.