Novy rasijski pasažyrski samalot prylacieŭ u Minsk dla vyprabavańniaŭ aŭtapiłota
Rasijski pasažyrski samalot novaha pakaleńnia SJ-100 22 vieraśnia prybyŭ u Nacyjanalny aeraport Minsk dla praviadzieńnia siertyfikacyjnych vyprabavańniaŭ, piša ahienctva «Minsk-Naviny».
Vyprabavańni praviaduć supracoŭniki lotna-vyprabavalnaha i davodačnaha kompleksu rasijskaj avijabudaŭničaj kampanii «Jakaŭleŭ» razam z pradstaŭnikami siertyfikacyjnych centraŭ i Avijarehistra.
Śpiecyjalisty buduć praviarać pracu sistemy aŭtapiłota, u tym liku mahčymaść aŭtamatyčnaha zachodu na pasadku i aŭtamatyčnaj pasadki pa katehoryjach II i IIIA.
Padčas vizitu rasijskaj delehacyi pradstaŭniki «Jakaŭleva» taksama sustrelisia z kiraŭnictvam Nacyjanalnaha aeraporta Minsk. Jany abmierkavali doŭhaterminovyja płany supracoŭnictva.
Pry arhanizacyi vyprabavańniaŭ supracoŭnictva pamiž kampanijaj «Jakaŭleŭ» i Nacyjanalnym aeraportam Minsk uličvaje techničnyja mahčymaści aeradroma i mahčymaści apieratyŭnaha naziemnaha absłuhoŭvańnia. Minsk abrali adnoj ź placovak dla vyprabavańniaŭ dziakujučy infrastruktury aeraporta, jakaja siertyfikavanaja pavodle mižnarodnych standartaŭ.
«Jakaŭleŭ» — rasijskaja avijabudaŭničaja kampanija, jakaja zajmajecca raspracoŭkaj i vytvorčaściu cyvilnych samalotaŭ.
Čytajcie taksama:
Na amierykanskaj avijabazie ŭ Hiermanii raźbiŭsia vajskovy samalot
U Minsk viarnulisia rejsy Turkish Airlines
Artysty fiestyvalu «Prajm Era» zładzili kancert u niebie na borcie samalota «Biełavija» VIDEA