U maskoŭskich aeraportach zatrymali i admianili bolš za 400 rejsaŭ praz najbujniejšuju ataku bieśpiłotnikaŭ
U tym liku ŭ Minsk.
Bolš za 400 rejsaŭ zatrymali i admianili ŭ aeraportach maskoŭskaha avijacyjnaha vuzła na fonie najbujniejšaj, pavodle zajavy ŭładaŭ, ataki dronaŭ na rehijon, piša Moscow Times.
Da 12:00 niadzieli ŭ aeraporcie «Šaramiećcieva» było admieniena bolš za try dziasiatki rejsaŭ, bolš za 120 — zatrymlivalisia na prylot i stolki ž — na vylet. Častku rejsaŭ pieranakiroŭvali ŭ Nižni Noŭharad, Kazań, Čabaksary i Sankt-Pieciarburh.
Pavodle danych «Jandeks Raskłady» na ranicu 20 vieraśnia, admieny zakranuli rejsy ŭ Sočy, Hielendžyk, Minieralnyja Vody, Pieciarburh, Pierm, Minsk i inšyja harady. Siarod zatrymanych — vylety ŭ Antalju, Šarm-eš-Šejch, Kair, Stambuł, Sočy, Kalininhrad, Jerevan i Ałmaty.
Va «Unukava» admianili 11 rejsaŭ — jak rasijskich, tak i mižnarodnych, u tym liku pieraloty ŭ Minsk i Pieciarburh. 69 rejsaŭ zatrymlivali na prylot, a 60 — na vylet. Heta zakranuła vylety ŭ Antalju, Stambuł, Samarkand, Batumi i Jerevan.
U «Damadziedava» byŭ admienieny adzin rejs, 27 zatrymlivalisia. U Žukoŭskim z pačatku sutak admianili dva rejsy, na prylot zatrymlivalisia čatyry samaloty, na vylet — try. Aeraport adnaviŭ pracu a dziaviataj ranicy.
U pres-słužbie «Šaramiećcieva» paviedamili, što rejsy «vykonvajucca pa skarektavanym raskładzie», a źmieny źjaŭlajucca «vymušanymi» ŭ suviazi z zakryćciom aeraportaŭ u inšych rehijonach. Anałahičnuju infarmacyju pryviali ŭ Damadziedavie.
Va «Unukava» ŭ 12:50 paviedamili pra «pastupovaje adnaŭleńnie štatnaha režymu pracy».
Kamientary