Nad «Hrodna Azotam» zapałaje fakieł
Na pradpryjemstvie «Hrodna Azot» paśla płanavaha ramontu pravodziać puskavyja raboty ŭ cechu «Amijak-3». Žycharoŭ Hrodna papiaredzili, što padčas hetych rabot na zavodzie budzie hareć fakieł.
Zdymak ilustracyjny
Pry razahrevie asnoŭnych adździaleńniaŭ cecha vykarystoŭvajecca technałahičny haz. Da zaviaršeńnia puskavych apieracyj jaho nakiroŭvajuć na fakielnuju ŭstanoŭku, dzie spalvajuć haručyja rečyvy, jakija ŭvachodziać u skład hazu. Takaja pracedura praduhledžanaja technałahičnym rehłamientam vytvorčaści amijaku.
Na zavodzie paviedamili, što puskavyja raboty mohuć praciahvacca niekalki sutak. Paśla taho jak pačniecca vytvorčaść amijaku, spalvańnie hazu na fakielnaj ustanoŭcy spyniać.
Pradpryjemstva padkreśliła, što praviedzienyja raboty nie ŭjaŭlajuć pahrozy dla horada, jaho žycharoŭ, ekałohii i supracoŭnikaŭ zavoda.
Čytajcie taksama:
Na «Hrodna Azocie» adbyŭsia pazapłanavy vykid amijaku
Na «Hrodna Azocie» skončyŭ žyćcio samahubstvam namieśnik načalnika cecha
Były top-mieniedžar «Hrodna Azota» ŭznačaliŭ filijał rasijskaha «Urałchima»