Aryna Sabalenka vyjšła na podyum Vogue World u Miłanie
Eks-pieršaja rakietka śvietu ŭziała ŭdzieł u pakazie Vogue World: Milan 2026.
Fota: Arnold Jerocki/Getty Images for Vogue
Tenisistka vyjšła na podyum u sukiency Gucci, paviedamlaje Vogue.
Aryna źjaviłasia ŭ trecim akcie šou, pryśviečanym italjanskaj modzie, a ŭ finale razam ź inšymi ŭdzielnikami znoŭ vyjšła da publiki. Pakaz prajšoŭ u znakamitaj halerei Viktara Emanuiła II u Miłanie.
Vychad spartsmienki na podyum staŭ praciaham jaje supracoŭnictva z Gucci. Sa studzienia 2026 hoda tenisistka źjaŭlajecca hłabalnaj ambasadarkaj italjanskaha doma mody.