Šaścihadovaja dziaŭčynka ledź nie patanuła ŭ fantanie ŭ Salihorsku
U aŭtorak viečaram dziaŭčynka hulała ź siabroŭkaj u rajonie dziciačaha plažu na bierazie Salihorskaha vadaschovišča i spatyknułasia, zvaliŭšysia ŭ čašu fantana.
Vybracca samastojna dzicia nie zmahło i stała sychodzić pad vadu.
Na ščaście, jaje svoječasova zaŭvažyŭ matros-vyratavalnik miascovaj stancyi Tavarystva vyratavańnia na vodach Michaił Dałmatovič.
Jon pačuŭ kryki ab dapamozie. Padbiehšy da fantana na nabiarežnaj, vyratavalnik ubačyŭ na pavierchni tolki hałavu dziaŭčynki. Mužčyna chutka zreahavaŭ i vyciahnuŭ paciarpiełuju na sušu.
— Jana ŭsia tresłasia, była mokraja z noh da hałavy. Ja advioŭ jaje da siabie na post, nakryŭ pledam, zrabiŭ kubak haračaj harbaty i vyklikaŭ chutkuju dapamohu, bo jana skazała, što ŭ jaje balić nožka, — raskazaŭ vyratavalnik.
Aeracyjnyja fantany na bierazie Salihorskaha vadaschovišča ŭstalavali ŭ 2014 hodzie padčas rekanstrukcyi zony adpačynku. Hłybinia hetych kanstrukcyj składaje ad 0,8 da 1,3 mietra.