Babaryka padziakavaŭ Sikorskamu za sustreču z Ryžankovym u Ńju-Jorku
«U hetaj sustrečy my bačym dziejańni realnaha partniora», — skazaŭ jon.
Viktar Babaryka padziakavaŭ kiraŭniku MZS Polščy za sustreču ź biełaruskim bokam u Ńju-Jorku.
«Ja dziakuju Radasłavu Sikorskamu za sustreču ź ministram zamiežnych spraŭ Biełarusi ŭ ramkach Hienasamblei AAN, niahledziačy na siońniašnija niaprostyja abstaviny. Lubaja mahčymaść dla dyjałohu važnaja, kali jana moža spryjać palapšeńniu stasunkaŭ na karyść ludziej Polščy i Biełarusi», — napisaŭ Viktar Babaryka.
Eks-palitviazień adznačyŭ, što «ŭ hetaj sustrečy my bačym dziejańni realnaha partniora».
Raniej Babaryka kazaŭ pra nieabchodnaść dla Biełarusi jeŭrapiejskaha partniora: «Biełaruskamu narodu taksama patrebny partnior. Ja dumaju, što nasamreč Jeŭropa — mienavita toj partnior, jaki moh by bolš vyrazna sfarmulavać svaje mahčymaści padtrymki».