U Šatłandyi siamja znajšła svaju kotku praz šeść hadoŭ paśla taho, jak jana zhubiłasia
U Šatłandyi siamja praz šeść hadoŭ znajšła svaju kotku Pandoru, jakaja źnikła padčas aŭtamabilnaj avaryi. Viarnuć žyviolinu haspadaram dapamoh mikračyp, piša Bi-bi-si.
Bili i Mery ŭziali Pandoru i jaje siastru Zihi jašče kacianiatami ŭ 2017 hodzie. Źnikła ž kotka tady, kali siamja pierajazdžała z Anhlii ŭ Šatłandyju i trapiła ŭ avaryju. Pieranosku z Pandoraj vykinuła z aŭtamabila, paśla čaho žyviolina ŭciakła.
Haspadary sprabavali znajści jaje adrazu paśla avaryi, ale Bili paśla darožnaha zdareńnia mieŭ patrebu ŭ adpačynku i adnaŭleńni, tamu siamja była vymušanaja praciahnuć darohu. Paśla pierajezdu jany znoŭ zanialisia pošukami: razam z dačkoj i ŭnukam viartalisia na miesca avaryi i publikavali paviedamleńni ŭ miascovych supołkach u sacyjalnych sietkach. Niekatoryja ludzi kazali, što bačyli Pandoru, ale złavić jaje nikomu nie ŭdavałasia.
I voś praz šeść hadoŭ, na 62‑hi dzień naradžeńnia Mery, žančynie patelefanavali z dabračynnaj arhanizacyi i paviedamili, što jaje daŭno źnikłuju kotku narešcie znajšli. Mery nazvała hety zvanok samym vialikim i pryjemnym siurpryzam na dzień naradžeńnia. Praź niekalki dzion siamja zabrała Pandoru dadomu.
Vyśvietliłasia, što na kotku źviarnuli ŭvahu paśla taho, jak jana rehularna sprabavała trapić u dom nieznajomaj žančyny. Vałanciorka Fijona Morysan pryjechała na miesca i pabačyła žyviolinu, jakaja vyhladała jak biazdomnaja. Dziakujučy mikračypu ŭdałosia atrymać kantaktnyja danyja haspadaroŭ.
Paśla viartańnia dadomu Pandora adrazu pačała reahavać na svajo imia. Jana taksama zachavała asablivuju suviaź z unukam haspadaroŭ. Mery miarkuje, što heta moža być źviazana z tym, što padčas ciažarnaści jaje dački kotka časta lažała ŭ jaje na žyvacie.
Siamja praciahvaje padtrymlivać suviaź z žančynaj, jakaja dapamahła znajści Pandoru, i zaklikaje ŭładalnikaŭ svojskich žyvioł čypavać svaich katoŭ.
Dla vałanciorki Fijony Morysan uźjadnańnie Pandory ź siamjoj stała adnym z samych jarkich momantaŭ za 26 hadoŭ jaje pracy. Pavodle jaje słoŭ, padčas sustrečy ŭsie płakali, nastolki kranalnym atrymaŭsia hety momant.
Čytajcie taksama:
Zahinuła kotka Čarnuška, jakaja była simvałam hrodzienskaj halerei Tyzienhaŭza
U Balivii apisali novy vid dzikaha kata. Takoha nie było bolš za 100 hadoŭ
U Biełarusi zvyčajnaja koška baraniła haspadyniu ad vialikaha sabaki VIDEA
U kitajskim aeraporcie źjaviŭsia kaciny adździeł pa baraćbie z hryzunami