U Biełarusi zvyčajnaja koška baraniła haspadyniu ad vialikaha sabaki VIDEA
U Biełarusi koška Sonia stała sapraŭdnaj «ciełaachoŭnicaj» svajoj haspadyni paśla taho, jak na žančynu padčas prahułki napaŭ vialiki sabaka. Videa hetaj niečakanaj sustrečy źjaviłasia ŭ sacyjalnaj sietcy Threads i chutka pryciahnuła ŭvahu karystalnikaŭ, zaŭvažyła Tochka.by.
Na pieršych kadrach žančyna spakojna idzie pa vulicy i razmaŭlaje pa telefonie. Adnak praź niekalki imhnieńniaŭ situacyja rezka źmianiajecca: jana biažyć nazad, a za joj imčycca vialiki sabaka, jakoha žančyna nazyvaje ałabajem.
Čym mahła skončycca hetaja pahonia, nieviadoma. Ale ŭ situacyju niečakana ŭmiašałasia koška. Sonia biez vahańniaŭ kinułasia na sabaku, jaki byŭ u niekalki razoŭ bolšy za jaje, i svaimi dziejańniami prymusiła jaho adstupić.
Vidieo: ksysha_by/Threads https://t.co/0P4QWEh3SQ
Haspadynia koški, Aksana, raskazała, što padčas pahoni sapraŭdy mocna spałochałasia. Pavodle jaje słoŭ, pavodziny sabaki zusim nie vyhladali jak sproba prosta paznajomicca.
U kamientarach žančyna paviedamiła, što śmiełuju košku zavuć Sonia i što heta jaje hadavanka. Aksana taksama raskazała, što niekali sama vyratavała Soniu ad hałodnaj śmierci na vulicy.
Pavodle słoŭ žančyny, jana dobra viedaje pavodziny sabak, bo doma ŭ jaje žyvuć zienienchund, aŭčarka i ćvierhpinčar. Tamu jana adrazu zrazumieła, što sabaka ŭjaŭlaje pahrozu.
Tym bolš jaje ŭraziŭ učynak Soni. Niahledziačy na vielizarnuju roźnicu ŭ pamierach, koška ni siekundy nie vahałasia i kinułasia abaraniać haspadyniu.
Śmiełaść Soni ŭraziła i karystalnikaŭ Threads. Pad videa sabrałasia bolš za 200 zachoplenych kamientaryjaŭ. Ludzi nazyvali jaje advažnaj i sapraŭdnaj hierainiaj, žartam prapanoŭvali ŭznaharodzić košku ordenami i adznačali, što paśla takoha achoŭnika sabaki dla biaśpieki ŭžo nie patrebnyja.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary