CRU papiaredziła jeŭrapiejskija ŭrady ab mahčymaj atacy rasijskich dronaŭ na Ispaniju, Francyju abo Italiju
Drony mohuć zapuścić z mora, schavaŭšy ich u kantejniery na sudnie.
El Mundo
Amierykanskija śpiecsłužby sabrali źviestki pra toje, što Rasija rychtuje mahčymuju ataku dronaŭ na adnu ź mižziemnamorskich krain — Ispaniju, Francyju abo Italiju — i pieradała ich niekalkim jeŭrapiejskim uradam. Pra heta piša ispanskaja hazieta El Mundo sa spasyłkaj na ananimnyja krynicy.
Krynica vydańnia, blizkaja da Ministerstva abarony Litvy, zajaviła, što drony mohuć zapuścić z mora, schavaŭšy ich u kantejniery na sudnie.
Pavodle źviestak haziety, litoŭskim uładam viadomy i typ aparata — «Hierbiera» masaj da 18 kiłahramaŭ z zajaŭlenaj dalokaściu palotu da 600 kiłamietraŭ. Adno handlovaje sudna moža pieravozić niekalki takich dronaŭ.
Litva i inšyja krainy, jak śćviardžaje hazieta, atrymali hetuju infarmacyju nieŭzabavie paśla pajezdki dyrektara CRU Džona Retklifa ŭ Maskvu 25 žniŭnia.
Retklif prylacieŭ na amierykanskim vajennym samalocie, jaki rabiŭ prypynak u Ryzie. Dypłamatyčnyja krynicy ŭ adnoj z krain Bałtyi paviedamili vydańniu, što viedali pra pajezdku zahadzia, a paśla atrymali infarmacyju pra jaje źmiest.
Urady Ispanii, Francyi i Italii taksama atrymali infarmacyju pra toje, što Rasija rychtuje mahčymuju apieracyju z vykarystańniem dronaŭ suprać adnoj z hetych krain, raskazali haziecie krynicy, znajomyja z papiaredžańniem.
Aficyjnych kamientaroŭ nakont paviedamleńnia CRU pakul nie było.