Pasłańnik Pucina nakiravaŭsia ŭ ZŠA na pieramovy z pradstaŭnikami Trampa
Vizit uzhodnieny z Pucinym.
Kirył Dźmitryjeŭ staić pamiž Uitkafam i Kušnieram na sustrečy ŭ Kramli, 22 studzienia 2026. Fota: Alexander Kazakov/Sputnik, Kremlin Pool Photo via AP
U sieradu pasłańnik lidara Kramla Kirył Dźmitryjeŭ nakiravaŭsia ŭ ZŠA na sustreču z pradstaŭnikami administracyi Trampa — Styvam Uitkafam, Džaredam Kušnieram i inšymi asobami, paviedamiŭ Reuters.
Vizit Dźmitryjeva ŭ ZŠA, uzhodnieny z Pucinym, adbudziecca ŭ Ńju-Jorku padčas siesii Hienieralnaj Asamblei AAN i stanie praciaham sustrečy Pucina z pradstaŭnikami ZŠA, jakaja adbyłasia ŭ Kramli ŭ pačatku hetaha miesiaca.
Adna z krynic ahienctva paviedamiła, što metaj vizitu źjaŭlajecca padtrymka dyjałohu pamiž Rasijaj i ZŠA i «praciah miratvorčych namahańniaŭ».
Krynica vydańnia dadała, što ekanamičnaje supracoŭnictva pamiž Rasijaj i ZŠA, a taksama enierhietyčnyja pytańni i mirnaje ŭrehulavańnie situacyi va Ukrainie buduć na paradku dnia pieramoŭ Dźmitryjeva ŭ Ńju-Jorku.