19 vajskoŭcaŭ z Kazachstana zabrała chvalaj padčas vučeńniaŭ u Kaśpijskim mory
Jak minimum dzieviać čałaviek zahinuli.
A
Fota z vučeńniaŭ
Nadzvyčajnaje zdareńnie adbyłosia siońnia a 11:20 u Manhistaŭskaj vobłaści niepadalok ad horada Aktaŭ padčas praviadzieńnia vučeńniaŭ Vajskova-marskich sił Kazachstana. Pryčyna — rezkaje paharšeńnie mietearałahičnych umoŭ i ŭzmacnieńniem vietru. U mora źniesła 19 vajskoŭcaŭ, paviedamiła Minabarony Kazachstana.
Na hety momant zafiksavanaja hibiel dzieviaci čałaviek. Troch vajskoŭcaŭ udałosia vyratavać, adzin ź ich špitalizavany. Pošuki astatnich praciahvajucca.
Na miesca zdareńnia nakiravany siły i srodki vyratavalnych słužbaŭ. Taksama pracuje kamisija na čale ź ministram abarony Kazachstana Daŭrenam Kasanavym.