14‑hadovy padletak «zaminiravaŭ» balnicu ŭ Salihorsku i škołu ŭ Słucku
U čat-bot Ministerstva ŭnutranych spraŭ pastupili paviedamleńni pra nibyta zaminiravańnie balnicy ŭ Salihorsku i škoły ŭ Słucku. Za admienu vybuchu aŭtar paviedamleńnia zapatrabavaŭ vykup, paviedamlaje pres-słužba MUS.
Skrynšot ź videa
Milicyjaniery apieratyŭna adreahavali na infarmacyju. Supracoŭniki ŭpraŭleńnia pa supraćdziejańni kibierzłačynnaści Minskaj vobłaści chutka ŭstanavili asobu taho, chto adpraviŭ paviedamleńni. Im akazaŭsia 14‑hadovy žychar Słucka.
Padletak raźličvaŭ zastacca ananimnym i dla «žartu» vykarystaŭ nabyty akaŭnt u Telegram, adnak schavacca jamu nie ŭdałosia. Svaimi dziejańniami jon taksama praź miesiendžar pachvaliŭsia siabru.
Ciapier pa hetym fakcie raspačali kryminalnuju spravu.
U milicyi nahadali baćkam, što zahadzia iłžyvaje paviedamleńnie pra niebiaśpieku nie źjaŭlajecca biaskryŭdnym svavolstvam i moža mieć kryminalnyja nastupstvy. Adkaznaść za takoje pravaparušeńnie ŭ Biełarusi nadychodzić z 14 hadoŭ. Akramia pakarańnia, vinavaty pavinien kampiensavać vydatki, paniesienyja ekstrannymi słužbami padčas pravierki paviedamleńnia.
Čytajcie taksama:
U Minsku 1 vieraśnia «zaminiravali» škoły, balnicy i Ministerstva abarony
Minčuka nie puścili na pierakur, a jon u adkaz «zaminiravaŭ» arhanizacyju
U Pinsku zatrymali padletka za «miniravańnie» liceja
Minčuk «zaminiravaŭ» kursy pa aratarskim mastactvie
Padletak «zaminiravaŭ» handlovy centr ad imia znajomaj pa čacie