U stalicy Kanady vyrašyli pierajmienavać vulicu, nazvanuju ŭ honar Trampa
Haradskaja rada Atavy adnahałosna padtrymała pačatak pracedury pierajmienavańnia Tramp-avieniu ŭ rajonie Centralnaha parku kanadskaj stalicy, paviedamlaje kanadski telekanał CTV News.
U honar Donalda Trampa vulica była nazvanaja vielmi daŭno, jašče da taho, jak jon staŭ prezidentam navat pieršy raz. Reč u tym, što nazvy vulic u hetym rajonie z momantu jaho zabudovy źviazanyja ź Ńju-Jorkam, a Tramp da prychodu ŭ palityku byŭ viadomy ŭ hetym horadzie jak zabudoŭščyk.
Kansultacyi z žycharami Tramp-avieniu praviadzie člen haradskoj rady Rajli Brokinhtan. Žycharam prapanujuć vybrać novuju nazvu — jana moža być źviazanaja ź ńju-jorkskaj tematykaj abo być całkam niejtralnaj. Kančatkovy varyjant płanujuć vynieści na razhlad haradskoj rady ŭ 2027 hodzie.
Heta ŭžo nie pieršaja sproba pierajmienavać vulicu. Padčas pieršaha prezidenckaha terminu Trampa žychary ŭžo hałasavali pa hetym pytańni. Tady vynik akazaŭsia roŭnym: 21 chatniaja haspadarka vystupiła za pierajmienavańnie, 21 — suprać, jašče 20 ustrymalisia. U vyniku nazvu vulicy tady vyrašyli zachavać.
Čytajcie taksama:
U Kanadzie sumniavajucca, što biełaruski kalij budzie amierykancam bolš vyhadny za ichni
Tramp pryhraziŭ spynić handal ź ES u vypadku dałučeńnia da błoka Kanady
Tramp pahražaje zabaranić prodaž kanadskich samalotaŭ Bombardier u ZŠA
Kanada ŭvodzić vysokija myty na amierykanskija tavary. Heta adkaz na takija ž kroki Trampa